شقي ومركـــــــز عاالستات

يجري وراهم بالمســـــافات

يعشق صوت الأنثي ياخويا

في مكالمات صوتية وشـات

مش عارف إمتي هيسترجل

ويبطل شغل الحركـــــــــات

ويعرف انه معادشي صغيــر

ولا هو فـى سن مرهقــــــات

*********

شقي ومفكر نفسه شبــــــاب

وشعر راسه ودقنه اهو شاب

وعايش دور ابن الستاشـــــر

يلعنه ربي في كل كتـــــــاب

تسمع كلامه تقول دا رزيـــن

وهو لا عنده ضميـر ولا ديــن

كل الستات يســـــــــرح بيها

وسنه خلاص عدي الستييين

**********

شقي وخياله غريب مجـنون

بكل صنف النسا مفتــــــــون

كبير وعنـده ولاد واحفـــــاد

لكن دا صعب لحــرمه يصون

عجوز ياناس بس بيتصـــابى

ماتعرف غبي ولا بيتغــــــابى

ورا كل ست سارح بربـــــابة

وكل شئ لعيونهـا يهـــــــــون

**********

شقي وعيونه عليها غشـاوات

عشان معاه حبـــــــة جنيهات

ليلاتي يلف علي الصــــالونات

لجل ما يصــطاد منها الستات

كلمة ف حدوته فكرها خلاص

هتقضي ليلها معـــاه ف بارات

دي الدنيا كما تديــــــــن تدان

دا غير حساب رب السمــاوات

قصيدة للشاعر محمد جوده

من ديوان صمت الحنين

كل التفاعلات:

٣الشاعر أحمد محمود، ورانيا يوسف وشخص آخر