زعيم الأمة العربية

وحِّــــد صفــــوفك للوطن

كلـــــمة ودرع وسيــــف

صرخة جيـــوشك يا وطن

صاعقـــة فـ شتا أوصيف

كلمة حكمــة وقالها ناصر

بعد الكرامـــة مفيش كلام

والجبـان فـ الحــرب فاجـر

ملوش أمان وسط الميدان

حبي لوطني هو ســـلاحي

سر حيـــاتي وسر كفـاحي

حيُّوا معــايا بسرعة جمال

راجل صاحب كلمـــة قوية

حبُّه ملا قلـوب الأجيـــــال

بالوطنيـــــــة والاشتراكية

فـ بيوتنا وحوارينا ودروبنا

ناصر عايش جوَّه قلوبنـــــا

ناصر- ناصر- ناصر –

قلب ومليــــــــان بالوطنــية

وزعيم الأمـــــــــة العربيـة

حوِّل مصـــــــر من الملَكِيَّة

لجمهــــــورية ديموقراطيـة

كان نور ساطع كل صبــاح

شرَّع لنا قانــــون الإصلاح

لو سمحتم عندي سؤال

وتجاوبوني عليه في الحال

شفتوا العدل دا قبل الثـورة

أو كان ليكوا نصيب في الثروة

بتقول ثروة؟

أيوة بقول الثروة ياناس

حقي وحقك كان منداس

كلمة تجيبنا وتودينا

خير بلدنا ماكان فـ إدينا

والدمع محرم في عنينا

ظلم وكان له ألف أساس

كان الوضع لازم له قرار

وخدو@ه الضباط الأحرار

واللي طلع من بينهم ناصر

قبطان شاطر مسك الدفة

وسط البحر فـ حفلة وزفة

قال ده شعبي ودول أهالينا

واهو رسَّي المركب عاالمينا

بالوطنيـــــــة والاشتراكية

فـ بيوتنا وحوارينا ودروبنا

ناصر عايش جوَّه قلوبنـــــــــا

ناصر- ناصر- ناصر – ناصر

كلمات الشاعر محمد جوده

عرض الرؤى

أعجبني

تعليق

مشاركة

 سامحوني يااهل الهوي

سامحوني يااهل الهوي

ماقدرت يـــــوم انســاه

كُتْرْ العَذَابْ والجـَــــوَيَ

تعبوا لي قلبي معــــــاه

سامحوني يااهل الهوي

ماقدرت يوم انســــــــاه

********

والشُّوقْ ما بينَّا استَوَي

علي جَمْرْ نَار الـ آآآآآآآه

قولوا لي يااهل الهــوي

عن وصْفَة بيها اسـْـــلاه

سامحوني يااهل الهوي

ماقدرت يوم انســــــــاه

*******

مجاش في بالي يــــــوم

طول ليلي ابات سهـران

وان نمت غفــــوة أقـوم

من فكري فيــــه حيران

في خيال وليــــل خبَّـــاه

سامحوني يااهل الهوي

ماقدرت يوم انســــــــاه

*******

نسَّاني معني النـُّــــــوم

والناس قالوا لي زمان

اللي ماشافشي النجــوم

النـــوم عليـــه سلطــان

مش لاقي راحـــة معاه

سامحوني يااهل الهوي

ماقدرت يوم انســــــــاه

*******

يامْجرَّبين العِشْق قَبْلي

سبتوني أعشق ليـــــه

ليه هـان عليكم قلبـــي

والنَّار بتكوي فيـــــــــه

وسط الجحيم ولظــــــاه

سامحوني يااهل الهوي

ماقدرت يوم انســــــــاه

**********

مش ذنبكم لكن دا ذنبي

من قلبي خلاص همحيه

لوكنت أعرف المستخبي

كان إيه غصــــبني عليه

داهواه ظلمنـــــــي معاه

سامحوني يااهل الهوي

ماقدرت يوم انســــــــاه

********

يااهل الغرام دا الهوي

بحره غريق غـــــــدَّار

دا داء وما في له دوا

ونحس جنِّتــــــه نــار

وأمل بنجـــــري وراه

سامحوني يااهل الهوي

ماقدرت يوم انســــــــاه

*******

دا عمر بحـــر الغــــرام

ما فـ يوم روي العطشان

ولا سابه فـي الليــل ينام

ويعيش مع الأحــــــــلام

خلاص ياأهل الهــــــــــوي

عاهـــــدت روحـي اســلاه

قصيدة لـ الشاعر محمد جوده

من ديوان القلب الثائر

وموثقة بديوان القلب الثائر ومدونة سحر الكلمات

عرض الرؤى

ترويج منشور

كل التفاعلات:

١١

 

ـ بتشبهلي وبشبهلكـ

وقلبي اللي بيندهلـــــك

يانجمة في السما عالية

عيوني ماشـــــافت زيك

أملي انك تكــــون جنبي

تدوق حبي وادوق حبك

بتشبهلي وبشبهلك

عيوني لسه سهـــــرانة

وفيك افكـــــاري حيرانة

وروحي تملي عطشـانة

ياريت تيجـــي وترويها

بنقطة شهــــد من حبـــك

بتشبهلي وبشبهلك

داانا قبلك مفيــــش مرة

قلبي داق مشـــاعر حب

وعمري عشته ميت مرة

وكأن محــدش قبلنــا حَب

وليلي نهاري اشتاقــــلك

وانا عيني علي صــورتك

وفـ كل مره اشوفها الاقيك

بتشبهلي وبشبهلك

انا وقلـــــبي كتير نســهر

نقول في كلام

بنبضه يحكـــي عن حبك

بشوق وغرام

وانا احكيله علي حيرتي

وحنيني إليك

وهو يدق من غيــــرتي

وخوفي عليك

بدقاته يصبرني ويمسح لي

دموع عيني

تعالي وقرب اسمع له وهو

بنفسه يوصفلك

بتشبهلي وبشبهلك

شافونا الناس قالـــوا عنا

دول في الجنة عصفورين

واسمع كلامهم اتمني

علي عُمري اعيش عُمرين

وكل دقيقة والتانية

تكون جنَّة في نار حبك

بتشبهلي وبشبهلك

يافرحة قلــــــبي ومنايا

سامع قلبي بيندهلك

يا كل سعــــــادتي وهنايا

بلاقي نفسي وانا جنبك

عليك بحســــد أنا روحي

لما بتاخدني فـي حضنك

بتشبهلي وبشبهلك

كلمات الشاعر محمد جوده

من ديوان القلب الثائر

عرض الرؤى

معدل وصول المنشور: ٠

كل التفاعلات:

١١