غراب البين
كنا عايشين مرتاحين
ولا عيشة الملوك والسلاطين
بس ناسنا حبوا يعيشوا الدور
خلوا حياتنا زي الطين
.......
كان ماله فتوة حارتنا
وكنا فيه متحاميين
وما نشيلش هم لقمتنا
وخدنا عليه من سنين
........
كنا بندفع أتاوه
بس كانت بالتعريفه
وحاجتنا نجيبها نقاوه
وكانوا برضوا ناس شريفه
.......
ناسنا قالوا ماينفعناش
والتعريفه كتير علينا
عايزين ندفع بالنواكل
ونولي الجدع علينا
.......
جابوا واحد من الرجال
وقالوا يلا فين الشطاره
ماعداش يدوب حاجات بسيطه
وقام بسلامته زانقهم في حاره
.......
إللي يتكلم يتحاسب
والأتاوه زادت عليهم
قولنا طيب فين المكاسب
قال والله لأوريهم
........
كل يوم يعمله قعده
ويلم شوية عيال
ويروح يوم وييجي إللي بعده
وكل يوم يضيق الحال
.........
أصل ناسنا مش وش نعمه
ناس صحيح ما يختشوش
فاكرين الحكايه هتبقى لعبه
بس ظهرت الوشوش
.........
خربوا الحاره وجابوا ضرفها
وهجروها من السكان
ويقولك أصلوا بينظفها
وهيديكم أحلي مكان
........
......... شاعر الشعب أحمد خلف الحامدي...........
ليست هناك تعليقات:
إرسال تعليق