علي فين وخدانا الحياة

علي فين

واخـــــــدانا الحياة

في طريق طويل

مليان دموع

مشيناه يانـــــــــاس

كل اتجاه

ومفيش أمــل

لينا في الرجوع

ولحد إمتى ؟هيطول

في أيامها عذابنا

لحد إمتي ؟هنتوه

مابين صفحات كتابنا

ولا خلاص سكن الألم

بين الضلوع

حياة وفيها انظلمنا

وياما جارت علينا

طريقها شــوِّه

ملامح خطاوينا

وليل رهيب

فارد جناحه علينا

الصبر فيه موال

دايما مبكِّيــنا

وقلب جواه

صوت أنين مسموع

سكة جراح

يتحيي فينا الخوف

وبيلاعبنا الحظ

فيها عاالمكشوف

يشيل الورد

يزرع مكانه شوك

والصبر مداري

باين عليه مكسوف

كأنه قضي حياته

في الحياه مخدوع

*********

علي فين

وخدانا الحياة

معدشي فينا حيل

وتعبنا من الآه

داالحمل يابا تقيل

يادنيا خفِّي علينا

وخدينا بالراحة

أسية علينا ليه؟

قوليلنا بصراحة

ضحكت وقالت كلمتين

مسكين ياابن آدم

لو فكرت يوم

إن الدنيا في راحة

قصيدة لـ الشاعر محمد جوده

من ديوان يمر الليل

عرض الرؤى

١المستشار الشاعر محمد الزكي

٤ تعليقات

أعجبني

تعليق

مشاركة