وصية شهيد
يامه عــــايزك توعـديني
إنك انتي مش هتبـــكي
لو سمعـــــتي أو عرفتي
إني مش جاي ف معادي
إنتي عـــــارفة يامة إني
لومجتــشي غصب عني
داانتي علمتـــيني ياامه
إن روحـــــي فدا لبلادي
حلم عمـــــري وكل أملي
كل يوم تعشيــه ف عيد
تدعيلي وتفتخـــري بيا
وتقـــولي انا أم الشهيــد
إلي عايش عنـــــد ربــــه
في النعيم فرحـان سعيد
واللي متكفــن في زِيُّــــه
في الولاء ما حـــــــد زَيُّه
إللي كان شــــايل سلاحة
علي كتفه وبيرسم كفاحه
يحمي أرضه وأرض بلده
ياخد بتار كل اللي راحـوا
يااما عايـــــزك توعـديني
أوعي الإســـــــود تلبسيه
ولا تفتــــكري ان إبنـــــك
مات وبيعزُّوكي فيــــــــه
والوجع يسكــن في قلبك
تقضي عمرك عايشة بيــه
إلبسي الأبيــــــض ياأمـي
دا ربي كرَّمني في رحابــه
رفعني ياامة وراضي عني
وللنعيم فتح لي بـــــــــابه
وبرحمته الواسعــة هداني
وحملت في قلبي كتابـــــه
وبنوره كنت بشوف بقلبي
مؤمن بيه وعامل حسابــه
قومي ياامة صلِّي وادعـي
نلتقي هنـــــــا في النعــيم
في جنة الله الكـــــــــــريم
وامسحي دمعـــــة عيونك
وافـرحـــي ياام ابراهيـــم
قولي ابني طـــــول حياته
حب ربـــه مــــالي ذاتـــــه
بالشهــــــــادة ربي كرمــــه
وفي حياته كان مستقـــيم
مهما طــــال يااما الزمـــــن
مش هتنسيـــــــــني أكيــد
ولامن دعاكي هتحـــرميني
وانتي لابسة ابيـــض جديد
بفخر بتقــــابلي الحبايــــب
وتقــــــولي انا أم الشهـــــيد
وتقـــــــولي انا أم الشهــــيد
قصيدة وصية شهيدللشاعر محمد جودهمن ديوان / يمر الليل
ليست هناك تعليقات:
إرسال تعليق