هي حبت؟

هي حبت؟........ أيوة حبت

بس رجعت تــــاني ندمت

لما شافت جنبـــــــه واحدة

غيرها وبتمســـــــك إيديــه

ـــــــــــــ

يعني فهمت؟..... أيوة فهمت

إنه شايف نفســــه حبــــــــه

وكل يوم يعـــرف له واحدة

يسرح بيها وتلعـــــــب بيـــه

ــــــــــــ

طب ورجعت؟ أيوة رجعت

لما عرفت .............انه تافه

ميستاهلش لحظـــــة واحدة

أي بنـــــــــت تغيـــــر عليـه

ـــــــــــــ

يعني تعبت؟ .........أيوة تعبت

عشانها كانت شـــايله حُبــُّــه

ف حضن روحها وطايرة بيه

ـــــــــــ

تبقي هربت...... أيوه هربت

من حصــــــار أشباح ندمها

إللي بيـــــــــــــــزود ألامها

قالت هنســــــــي كل حاجة

ومهما دار بينـــــــــا الزمن

عمري ماهرجــــع تاني ليه

ــــــــــــــــــــ

قالوا نسيت.؟....أيوة نسيت

لما أول مــــــــــــــرة جالها

عاشق وبيطلــــــب وصالها

وبطيبـــة وافقت عاالوصال

وطبعه مفكرتشـــــــــي فيه

ــــــــــــــــــ

بس قدرت؟...... أيوة قدرت

لما بخيـــــــــــــــــانته قتلها

وخيِّب في حبــــــــــه أملها

قالت تِخْلــــــــــي منه بالها

وتنسي معرفتــــــــــــها بيه

ـــــــــــــــــــ

يعني فاقت؟...... أيوه فاقت

بعد ما قاست ..........وداقت

من غدره كاســــات المرار

لما حسِّــــــــــــــت بانهيار

دمر جــــــــــواها المشاعر

وفي عز دوامــــــة الجراح

وهي بتبــــكي عااللي راح

شافت خيــــــــال مادد إديه

قالت له انت تبقـــــــي مين

ضحك وقال أنا النصيـــــب

اللي مكتـــــــوبلك وصايبك

واللي قلبـــــــــــــك مستنيه

***************

قصيدة للشاعر/محمد جوده

من ديوان : صمت الحنين

٨رأفت جودة، وZahra Zahra و٦ أشخاص آخرين

١٥ تعليقًا