خدنا إيه؟

خدنا إيه م الدنيـــــا إحنا

غيرالأسى وجرح القلوب

مفتكرشي ف يوم فرحنـا

ساعة أو ساعتين يادوب

وتعبنـا فيهــا ولا ارتاحنا

من كتر الهموم والكروب

*******

خدنا إيه م الدنيــــا إحنا

غيرمــرارغدرالصحــاب

اللى عيشنا ف عـــــذاب

كله يجرى ورا المصالح

ضحكة صفرة وش كالح

وهو في الأســاس كدَّاب

*******

خدنا إيــه م الدنيـــا إحنا

غير البُــكا وكُتر الدموع

شجرة عذاب واحنا الفروع

فيها الخيـــانة سوس بيُنخر

في العضم يهلك ف الضلوع

فـ دنيــاانطفت فيها الشموع

*******

خدنا إيـــه م الدنيــــــا إحنا

بعيشتنا فيـــها غير النـــدم

كل يوم بيفـــــــــــوت علينا

ننام ونصحـــى عالألـــــــــم

حتي الصحاب مكانشي فيهم

واحد يكون فيـــــه العـشـــم

********

خدنا إيــه م الدنيـــــا إحنـــا

غير قلب كسياه الهمـــــــوم

وأمل مش عارف طريقـــــه

ف حلـــم بيموت كل يـــــوم

يتبخَّـــــر وتضيع ملامحـــــه

في سما بتملاها الغيـــــــــوم

********

بس مستحيــــل يادنيـــــــــــا

نتخلَّي يوم عن الأ مـــــــــــل

ومها تزيد فيكي جروحنــــــا

رح نصبر برضومهما حصل

الصبـــــر فيكى دا ســـــلاحنا

وبعد المُـــــــــر ندوق عسـل

قصيدة للشاعر..محمد جوده

من ديوان صمت الحنين

٢٢عبدالله مغازى، ومحمد محمود حمدي الويشي و٢٠ شخصًا آخر

٣٨ تعليقًا

أعجبني

تعليق

مشاركة