ذنبي ايه إني اتولدت

وكبرت في حضن الهموم

ليه رموني في الضياع

شريد ويتنفس سموم

حياتي رغم صغر سني

نهارضباب وليل غيوم

الفرحه دايما تايهة مني

بعد انفصال ابويا وامي

كل واحد شاف طريقه

نسيوني ليه واتخلُّوعني

كل يوم نهاره طالع

ادور والف الشوارع

انبش في سلات الزبالة

عن اي لقمة تسد جوعي

كنت اخاف الليل يقرب

والامان من عندي يهرب

نفسي انام مرتاح واحلم

حلم طفل في نفس سني

احجز مكاني ع الرصيف

أنام وأحلم بالرغيف

أعمل البلاط مراتب

وم الحجاره مخدتي

والبرد يتغذي بضلوعي

وعضمي يستلمه الخريف

ذنبي إيه تفضل عينيا

م الحزن سكناها الدموع

وغصن من شجره عتيقة

اتقطعت فيها الفروع

ذنبي إيه تكون حياتي

بين الشوارع والكباري

محروم من كلمة يابابا

وحضن أمي يطفي ناري

ان عطشت أشرب مرار

وان جعت آكل من البواقي

لكل حي أمد إيدي

اسمع سارينة الشرطه اجري

لجل ما ياخدوني تحرِّي

وافضل أجري واجري واجري

من أجراس الخوف في قلبي

وعشان مدخلتش مدارس

اي اتجاه مش عارف امشي

ياابويا حاول تفتكرني

بلاش ياامي تتخلي عني

دوَّروا وأسألوا عليا

افتكروني وحسُّوا بيا

رجعوني للأمان

حسسوني إني عايش

وامسحوا دمعة عينيا

كفاية قسوة زماني

وقسوة الأيـــــام عليا

الشاعر المعاصر محمد جوده

عرض الرؤى

معدل وصول المنشور: ٥٩

٨Yasser Ahmed Awed، شيماء عادل و٦ أشخاص آخرين

٩ تعليقات

أعجبني

تعليق