كل غدر بتزرعيـــــــه
هتحصديه بكره بإديكي
ومها رجعتي أو حاولتي
تشتكي بدمـــوع عينيكي
صدقيني مش هصـــدق
دمعة واحده نازلة منك
حتي لو ممــــــزوجه دم
يكفي إنه هيبــــقي دمك
دم أزرق دم فاســـــــــد
دم لونتيــــــه بغــدرك
مستحيل تاني هيصفي
مهما حاولتي تطهريه
إنتي لو عندك ضمير
أو حتي قلب تحسي بيه
كنتي انتحرتي ألف مره
بذنب قلب غدرتي بيه
الغدر ملازم أحلامك
لقلوب دابت فِي غَرامك
متقوليش انك ضحيــــه
وانكسر قلبك ومـــــــأت
و بخيانة شخص ليكي
كان دماركل اللي فات
حتي لو صادقه ف كلامك
ان ده سبب انتقامك
من أي حد فكر يحبك
تقضي عليه وتدمريه
هو معني انك خسرتي
وحبيتي حد واتخدعتي
تبقي دي نهاية العالم
اللي جواكي كره ليه
بكره هتلاقي رصيدك
في القلوب كره وندم
سعتها هتلومي الحياه
وتقولي مكنشي العشم
بقلم
#الشاعرمحمدجوده
ليست هناك تعليقات:
إرسال تعليق