منولوج زمن المغني

بقلم الشاعر محمد جوده

الله يرحــــم زمن المغـــني

ويرحم كُتَّـــــاب الرِّوايــات

فين روائــــع فن السينــــما

راح فيـن الفن يا حضــرات

كنَّا زمـــــــان نتسلطــن ويا

اغاني سوما علي الكافيهات

وفي ركن القهــوه ألالاتيـــِّه

يسمعوك أحلي النغمــــــات

وانت بتشرب فنجان قهـــوه

تسمع أغاني علي المقامات

طالعيـــن دلوقتي بتقليعـــــة

قال بيسموها المهرجــــانات

خبط ورزع وأي كــــــــلام

وتسأله يقولك سونجـــــــات

ويقولك دا ألكتـــــــروشعبي

ويصدعوك بصوت الديجيهات

يطلع في الافراح يتنطـــط

وشعره ولا سلك المواعين

حاطتلي توكه وعامل كعكه

لو حط روج تناديه ياسمين

حتي الاسماء تلاقيها شاذه

أل إيه شطَّه وبيكا وشاكوش

احنا هنسمع ولا هنعمــــل

توليفة يسموها فنكــــــــوش

واللي يقولك داانا في اوربا

اشهر من مايكــــل ومادونا

فين الرقابة علي الأغنيــــة

نايمين ليه في عسل يااخونا

شايفين الفــــــن بيستشهد

علي جبهــات المهرجانات

الله يرحــــــم زمن المغني

كنا بأغانيــــــــكم باشوات

منولوج من كلمات

الشاعر المعاصر محمد جوده

عرض الرؤى

ترويج منشور

كل التفاعلات:

٤عزه السعدنى، وMona Eassm وشخصان آخران

١٠ تعليقات

١٠ مشاركات

أعجبني

تعليق

مشاركة

نشط