قصيدة زيك زي غيرك

قصيدة للشاعر ممحمد جوده

****************

أكرر إعتذاري للأخوات المنتقبات الفاضلات

فهذه القصيدة موجهة لبعض السيدات اللواتي

يتخذن من النقاب ستارا لأعمالهن المشينة

*********************************

زيك زي غيرك

إنتي زيـــك زي غيـــــرك

بس طبــــع الغــــدر فيكي

لابسه دايمـــا تــوب ملاك

بس مش لايـــق عليــــكي

مهما تخــــفي أو تــــداري

كل شيء فاضحــاه عنيكي

إخلعي قنـــاع البــــــــراءة

اللي انتي لبسـاه ومداريكي

واظهري للنـــَّــاس حقيقتك

يعرفوا أصلـــــــك وبيئتـــك

والســــَّــواد اللي ماليــــكي

كل شيء عنــدك يهــــــون

لجل ما ترضي غـــــرورك

ترمي الشَّبَـــك على الزبون

لحد ما يخلـــــَّـص أمــورك

وبعـــد ما يحقــــَّــق مرادك

يعـــرف انه ضحيـــَّـة ليكي

وإنه كان لعبــــة ف إيديكي

جيَّـــــالي ليه تتحنـــــــجلي

لحد عنـــدي وفرملـــــــــى

وبلاش في حارة المكسحين

تعـــرجي فيــها وتمثـــــــلي

أنت عارفة اني الوحيـــــــد

إللي عـــــــارف بلاويـــكي

خليكي عايشـة في الضبـاب

بتداري غــــــــدرك بالنِّقاب

بس ياحلوة يوم الحســـاب

اللي زرعتيــه ف الحيـــــاة

هتصحديه لعنــــــة بإيديكي

هتصحديه لعنــــــة بإيديكي

قصيدة للشاعر/ محمد جوده

من ديوان ... يمر الليل

عرض الرؤى

أعجبني

تعليق

مشاركة

 كلمة واحدة

كلمة واحدة وباختصار

أمي فرحــة في كل دار

حُضْنْ مَرْسَي للأمَان

يحميني من غدر الزمان

تهديني حضن الحنــان

مهما كانت قسوتك

لو يوم بتجرح كلمتك

وانت واخداك عزتك

متقولشي كلمة تبل ريق

قلبها جواه حريق

تطفِّي ناره بالسَّماح

هي حاسَّة بالهوان

مش لاقية جواك الحنان

ولا حاسَّة فيك ذرة أمان

نسِّيتها فرحة الزمان

قلبها عليك انفطر

وانت البعيد قلبك حجر

عايش لنفسك ولهواك

وهي ولا فارقة معاك

وكأنها هيه اللي لازم

تترجي كل يوم رضاك

ياعم فوق بلاش جحود

ماانتاش لوحدك في الوجود

ولا انت عشمان في الخلود

وناسي يوم فيه الحساب

وكل عبد وله كتاب

ياإما حظه في النعيم

ياإما ويلات العذاب

ارجع وسيبك م الشيطان

املا قلب امك حنان

راعي ظروفها وسنها

اطلب رضاها وعفوها

راضيها واسعد قلبها

ومهما يحصل منها

عمرك دا كله حقها

تبوس إديها ورجلها

ما تخش جنة ربنا

إلا برضاها وعفوها

قصيدة لمحمد جوده

من ديوان صمت الحنين

عرض الرؤى

معدل وصول المنشور: ٠

 الشاعر محمد جوده

هلت عليــــنا أيام رمضان

باليمن والخيـــر والبركات

لما يجيـــــــنا بيمــلا قلوبنا

سعادة وفرحة بنين وبنات

أجمـــــل شهـر بنستنــــاه

صوم وقيام ليل وابتهالات

لحد الصبــــــح بنسهر فيه

نقرا القــرآن في الصلوات

روحنا بتتطهـــــر بصيامنا

واحنا بنخشع ف الدعوات

من جـــــــوانا نحس براحه

ف شهر كريم مليان خيرات

ضيه منـــــــــور جوه قلوبنا

شهر المغفرة والرحمـــــات

أفطـــــــروارفع للسما ايدي

واحمد ربي علي النعمــــات

نفسي تكون السنة رمـ.ضان

يملا حيـــــــاتنا بالبركــات

*******************

كلمات الشاعر محمد جوده

عرض الرؤى

كل التفاعلات:

٥Lalla Fatima Rahali، والشاعرأحمد القاضي و٣ أشخاص آخرين