******( العظمة لله )********

إوعى ف يوم ألاقيـــــــك متكبَّر

وشايف نفسك عاالنــــاس فوق

ركِّـز بقى فى كــــــــــلامي وفكَّر

راجـــــــع نفســك تاني وفُـــوق

مهما هتعـــــــــلىَ ومهما هَتِكْبَرْ

إنت لرب الكـــــــــــون مخلـــوق

ــــــــــــــــــــ

إوعي في يوم ألاقيـــك متكبَّـر

عاالناس تتعــــالى وتتفاخـــــر

داانت تراب في الأصل ياعنتر

وهترجــع لُه تاني ف الآخــر

حبة عضــم في قبر مضلِّـــــم

وحساب ملكين خليك فاكــــــر

ــــــــــــــــــــــ

إوعى في يوم الاقيـــــــك متكبَّر

عُمْـر الدنيــــــــــا لحد ما دامت

ما هتاخــــــد منـها إلا نصيـــبك

يامــا نفوس فارقتـــــنا وراحت

في كفن لا جيوب فيه ولا عُمْلَه

في نعيم كات عايشة وماارتاحت

ـــــــــــــــــــــــــ

إوعى في يوم الاقيـــــــك متكبَّر

كل النَّاس مخلوقة من طيـــــــن

غني وفقير ولا ابيض واســــود

كلنــــا في الكــــــون متساويين

اللي بيفـــــــرق بيــــــنا التقوي

ياابني الجنة دي للصالحيــــــن

ـــــــــــــــــــــــــ

أوعي في يوم ألاقيـــــــك متكبَّر

تتباهي بجـــــــــاهك ونفـــــوذك

صفة الكِبــــــر كفيلة تدمَّـــــــــر

كل كيـــــانك كل حــــــــــدودك

راجع نفســـــــك ولا تتـــــــأخر

قبل ما أجلــــــك يمحي وجودك

قصيدة لـ الشاعر محمد جوده

من ديوان صمت الحنين

٥Magdy Mtwally، والشاعر الشاعر و٣ أشخاص آخرين

١٤ تعليقًا

أعجبني

تعليق

مشاركة