إحنا اللى شقيــنا الجبـــــــل
واحنا اللى زِلنا الصعـــــــب
إحنا اللى ف كفـــوفنا انكتب
أمــــــــــان لكــــل الشعــب
صرخة رجال فوق القنـــال
قالوا الجنــود دي أرضنـــــا
واحنا رجـــــــــال أحــــرار
راحــوا جنودنا عا الميـــدان
فتحوا خطــــــــــوط النَّــــار
قالوا للعدو دي أرضنـــــــــا
وفداها روحنـــــــا ودمِّنـــــا
عشان كده إحنــــــــا هنـــــا
منكم نطهَّـــــــــر أرضنـــــا
م الإحتلال وخيــــانة العهود
وخمسة يونيــــه دي غلطــة
وهنطردكم برَّة الحـــــــدود
عبروا القناة وحطمـــــــموا
خط بارليف المنيــــــــــــع
في كل خطوة بيحصـــــدوا
بنيرانهم ألفين صـــــــــريع
كلمة وقالها إبــن مصـــــر
محمد أنــــــــور الســادات
هندك حصـــــــون اليهـــود
ونرجع كل اللي فـــــــــات
وبنفسة كان عاالجبهة واقف
بين المدافع والدبـــــــــابات
وبإيد جنودنا وتخطيط رجالنا
بعد ساعات النصر جـــــالنا
وهزت الفرحة كيـــــــــــانَّا
فرحة نصر بلدنا مـصــــــر
وسط الشوارع والقهــــــاوي
تسمع ألف غنـــــــوة نصــر
الله أكبــــــــر بســـــــم الله
وانا علي الربـــــــــابة بغني
النجمة مالـــــــت عاالقمـــر
ولفي البـــــــــــــلاد يا صبية
لحد ما يعــــــــــــدِّى النهـار
وانشري فرحة بــــــــــلادي
في كل حـــــــــارة وكل دار
شاركي مصر فرحة الانتصار
سجِّل ياتاريخ تـــلاته وسبعين
كان في العــاشر من رمضان
حاربوا جنودنا وكانوا صايمين
وانتصروا بفضل الإيمــــــان
مليون تحــية لكل شهيـــــــــد
ضحَّى بروحـــه فدا الأوطان
قصيدة لـ الشاعر محمد جوده
من ديوان القلب الثائر
ليست هناك تعليقات:
إرسال تعليق