عشرة جنيه بلاستيك
ــــــــــــــــــــــــــــ
وانا ماشي في الشارع بتقمع
و شايف قدامي الناس فستك
وبغني بصوت عالي مسَمَّع
وعلي البقـــــال رايح اتفزلك
طلبت أربع كراتيـــــن بيض
وناولته عشرة جنيه بلاستيك
بصلي من فوقــي لتحتيـَّــــــا
وقلب فيها شمال ويميــــــــن
قال ياابني دي ساعة صبحيَّة
ولسه بقول فتاح ياعلــــــيم
قولتله دا كمان صورته عليها
وضد الميه كمان والكســــــر
وياعمي العشرة جنيه ديَّه
بعون الله تعدينــــا الفقـــــر
ماهي بقت العملة المصرية
معتمـــدة وتداولها دا أمـــر
ليست هناك تعليقات:
إرسال تعليق