مدونة همس الكلمات للشاعر محمد جوده

ـــــــ حكاية أُم مصريَّة ــــــ

أنا يامَّه جــذوري مصريــة
وفي دمي بتجـــري الوطنية
الكلمة دي قالهالي ضــــنايا
أول ســـنة في الإبتدائيـــــة
ببراءة بيحكـــيلي أحــــلامه
ويعبَّر عن حبـــــــه لبلــــده
شايل أحمــــالها علي كتــافه
علشان بلـــــده أهم ماعنـــده
رغم حداثة عُـمرُه وسنُّـــــه
كان مبســــوط وبكفُّه النُّونـو
بيرفرف بالعَـــلم المصــــري
وكان بيقولي ياامَّـــه انانفسي
أكبـــر وأخـــش الحــــــربية
والبس زِيِّ الجيــــش الوطني
‘خدته في حضني وانا فرحانة
ودموعي كانت ماليــة عينيـــا
وبسرعة مــــــــــرِّت الايــام
كبر ابني وبقي شاب هُمــــام
وفي يوم قاللي يامه ادعيـــلي
أخيرا رح يتحـــــقق حلـــمي
وارجعلك بالبــــدلة المــــيري
جندي بيحمي بلاده ياأمــــــي
كان قلبي بيرقص م الفرحــة
وانا شايفة ابني ضنايا سعـيد
إسبوع فات من بعده يوميـــن
جاني بسرعة يبوس في إديــا
قاللي بفضل رضـاكي عليَّــــا
 علي كتـف إبنك دبورتيــــــن
وبقيت ظابط في الحـــــــربية
بخدم في صفوف أعظم جيش
وبقيت قائـد تاني ســــــــريَّة
قــوات ومسلَّحـــة مصــــرية
ومهمتنا تطهيــــــر سينـــــا
من الجمـــاعات الإرهـابيــة
كان فرحان قوي بالتجنيـــــد
بس بقلب الأم أنا حـا سَّـــــة
إنه في يوم رح يبقي شهــيد
بعد حوالي سنـة وشهـــرين
قبل العصر بيجي ساعتيـــن
كان يوم خمسة من رمضـان
لما فطـــــــرنا نادني وقاللي
أنا همشي دلوقتـــــي ياأمي
الساعة واحدة معادي هناك
وانتي عارفة طريقـــي بعيد
يمكن في رفح أقضي العيـد
وفي يوم سبعة من رمضـان
كان مكتوب له يبقي شهيــــد
هو وتسعـة كمان ويــــــــــاه
كانوا بيفطروا وقت المغـرب
والإرهاب بقي فيهم يضــرب
استشهدوا واللقمة في إيـدهم
مالحقوا فطـارحتي ياولــداه
شق الحزن في قلبي قتلنـــي
علي إبني وزملاته الشهــــدا
بس انا عايشة بإبني فخـورة
إنه  لبلـــده بوعده أهو وفَّــي  
فداها بروحه في أقوي بطولة
ومفرطشي في شبرف أرضه
شهيد وعايش في الملكـــوت
حيٌ يُرزق في رحـــــاب ربُّه
ياأم كل شهيــــــــد إتهنِّـــــي
عيشي أيامك كلها عيــــــــــد
قومي زغرطي وافتخري وغني
دا كفــــاية انك أم شهيـــــــــــد
دا كفـــــــــاية انك أم شهيــــــد
...................................................................................
.قصيدة من ديون  صمت الحنين  للشاعر محمد جوده