مستني مين؟

مسكين وبختك بيواسيك

مستني مين يسأل عليك؟

في دنيا غاب عنها الوفــا

والكل بايعك مش شاريك

داللي انت فاكرهم ملايكة

في غمضة عين بيوقعـوك

تقيد لهم صوابعــك شمــع

من ناحية تانية بيطعنـوك

دايما في ضهرك يغتابــوك

في أبشع صورة بيرسموك

ولو جمع بينكم مكــــــان

يجروا عليك ويحضنــوك

والغل جواهــــــــم بيغلي

شايلة قلوبهـم حب زايف

كلام بيطلع م الشفــــايف

زي الضراير والسـلايف

سامعه متزوق بـــــــورد

القصد منه يخدعـــــــوك

مهما طــــــال بيك الزمن

مش هيكون فيهم عشم

ببساطة مهما تجود بحب

مش هتلاقي غير الكــره

وفي التراب رح يدفنوك

قصيدة للشاعر / محمد جوده

من ديوان صمت الحنين

رقم إيداع 54139

١٣محمد مصطفي خيال، نشات صبحى و١١ شخصًا آخر

٤٠ تعليقًا

٣ مشاركات