عمري كله

داعمري كله ضـاع مني

وانا سرحان في تفاصيلك

شايفك فوق بساط الريح

آية جمال مفيـــش غيرك

بشوق حاضنة نجوم الليل

وبفرحـــة كأنهــــا نجومك

حروفك بين شفايفــك نور

وعطر الورد في خدودك

وانا في حبك نسيت إسمي

أتاري إسمي في عيونك

حروف فرحـــــانه بتنور

علي الننــي ورا رموشك

و حبك في قلبي من بــدري

كأنه في مملكة أشـــــواق

وشمس بتفرش الأحاسيس

نســــيم يتنفسه العشــــاق

مع موجــــة حنين هاديـة

بتحضن شــــط بحر الحب

وتحكي عن أســــــــاطيرك

دانا لاجل عيونك الحلــــوة

كتير بالي انشغــل بيـــــكي

وامنِّي نفسي وانا بحــــلم

تنادي عليَّــــا وأجيلـــــلك

وكل الدنيا في كفــــــوفي

وحياتي وعمري أهديــــلك

ياريتك بكل دا حااســـــــــه

وخطر يوم بتفكــــــــــــيرك

قصيدة لـ محمد جوده

٢٧صانع البسمه، صلاح ابو عافيه وادى و٢٥ شخصًا آخر

٦٤ تعليقًا

أعجبني

تعليق

مشاركة