عشان اسمك
علي جبين القمر مرسوم
يميل خدك
علي السما يزيدها جمال
حروف اسمك
حبات مطر شتا وحنين
في ليل خلاني
ورا قلبك غاوي الترحال
خطيت جسور
الشوق عاشق مدوبني
سحر الضحكه
في شفايفك ياأحلي غزال
وآه من خدك الجوري
قال ياسواقي الهوي دوري
ضحكتلي الدنيا
وانا بطلب من قلبك وصال
وروحي في السما طايره
مع نسمة حنين حايره
ونظرة شوق
يتقال فيها ميت ....موال
ويوم ماتعــــــــدي قدامي
قوام تضحكلي ......ايامي
واغني بلحن .....أحلامي
وشايفك مٌهره بجناحين
عايزاني انا الخيَّـــــــــال
ناداني الحب في عنيكي
خطفتي قلبي .....اتاريكي
جوه قلبك ........اسرتيني
في سجن الورد جدرانه
وسقفه كان من المرمر
بحبك انتي بينور
وعمري ما كنت اتصور
اني اكون في قلب اسير
في قلبك سجني دا جنه
اعيش فيها واتهني
وبحبك انتي اتغني
اغاني لا قالها يوم الاطرش
ولا سمعناها من متقال
قصيدة ..محمد جوده
ليست هناك تعليقات:
إرسال تعليق