شايل علي كتافي

شايل علي كتافي

شايل علي كتافي

حمول شــقا ياما

وللصبر بنحت

من الصخور تمثال

والقلب مكسور

وفي غربته تـــــايه

مجروح وليله ضباب

وصبره طـــــــــــال

والفرح غير سكته

وراح لناس تانيـــــة

وحكايتي بقوايحكوها

ويا الشقا في مــوال

وبين كهـــوف الهجر

يواسيــني عـــــذابي

والدنيــا حطِّـت عليا

مبقاش خلاص فيَّا

وكتبت بدموعي شكوي

وبعتها في مرسال

الرد جالي بعدها

بكام يوم

وانا فارد علي

شط الأمل جسمي

سمعت ندا بيردد

في السما إسمي

قال ياابن آدم

إياك تدور علي

راحه في الدنيا

ربك خلقنا في كبد

سنين وملهاش عدد

دنيا وفيها المظاهر

الفرح تلقـــاه ظاهر

علي الشفايف ضحكه

لكن القلوب موجوعة

وناس شايفة السعادة

في المال وفي العزوة

وبرغم دا كله

عايشه مخدوعة

لا سجده ولا ركعة

ولا دعوة مرفوعة

لا يفكروا في أَخرة

ولا يعملوا لبكرة

ولا عندهم فكرة

بسورة في القرآن

ولا آية مسموعة

عايشين حياتهم بس

أيام وبتعدي

وقطر سايقة الشيطان

لا يقف ولا يهَّدي

وناس عايشة وعارفة

ان الدنيا كدابة

حياتهم بيقضوها

مابين كفاح وعبادة

وفصَّلوا م الزهد توبهم

والخير ليهم متشال

عند كريم متعال

اللي ميزان عدلة

بالذرة والمكيال

وكان هو ده الرد

اللي جالي في المرسال

ملا قلبي بسعاده

دايمة وراحة بال

بإيماني برب بصير

وعالم بكل حال

ومن فضله بيرزقني

ويغنيني عن السؤال

قصيدةللشاعر #الشاعرالمعاصرمحمدجوده

٣٤احمدماهر المسلم، منى الغريب و٣٢ شخصًا آخر

٦٠ تعليقًا

مشاركتان

أعجبني

تعليق

مشاركة