قصيدة طريق الحزن

من ديوان صمت الحنين

للشاعر محمد جوده

رقم إيداع 54139

ــــــــــــــــــــــــــــــ

طريق الحزن

طريق الحزن أشواك

وسكته واعرة

إضحك دابين

اليأس والأمل شعرة

طريق وفيه الخوف

فارد جناحاته

وغيوم الوهم رسمت

ع القلوب ذكري

قدام عينيك بسرعة

تمر أيامك

وعقلك في حيره

بيدور علي فكرة

يغير بيها لون الأيام

يشوف بحر الأمل

ميِّته عِكـــــــــره

ولما تلوم الأيام

أو تشكي قسوتها

تطلع لسانها وتقول

والله ماانا فاكره

ينادي عليك الصبر

عند المفارق

تقوله معادشي عندي

في الدنيا شئ فارق

عايش حياتي في دنيا

لاانا عارف نفسي فيها

مسروق ولاَّ سارق

تنزل دموع الصبر

وهو بيلومني

اتاريه بكلمة واحده

كان عايز يطمني

إن الأمل

علي بعد خطوة مني

لقيت صوت صداه

بيرن في ودني

بيقولي بصوت حنون

قرب هنا يابني

انا اللي في كل

أحلامك بتقصدني

و لقيته مد إيده

بسرعة وخدني

لدنيا تانيه

بالفرح تحضني

عن كل حرمان

شوفته تعوضني

فضلت انادي بصوت

والدنيا بتسمعني

واقول لليأس

اللي كان ملازمني

كمل جميلك بقي

روح من هنا وسيبني

كفاية عدت سنين

وانت معذبني

وعمري في لحظة

مانسيت الأمل

ولا ثقتي بربي

دا ربنا بالأمل

هو اللي أمرني

وحياتي عايشها

بفضل ايماني بربي

انه بعفوه ورحمته

بالخير هيرزقني

انه بعفوه ورحمته

بالخير هيرزقني

١٥منى الغريب، Magdy Kamel Remela و١٣ شخصًا آخر

٢٢ تعليقًا

مشاركتان

أعجبني

تعليق

مشاركة