جبهة النصر

إحنــــا اللي شقيـــــنا الجبـل

واحنـــا اللي زِلنـا الصعــب

وحوش وفي كفوفنا انكتب

أمــــــــان لكـــــل الشعــــب

صرخة رجال فوق القنـــال

فكت ضلــــوع الإستعمــــار

وزئير أُسُود فوق ع الحدود

خــــلي الجبـــــــال تنهـــــار

الله أكبـــــر وجيش عظيــــم

فتـــح خطــــــوط النــــــــــار

قـــال للصهاينة دي أرضنا

وفداهــــا روحنـــــا ودمنــــا

وبجيشــــنا جينـــــالكم هنـــا

منكم نطهــــــــــــر أرضنــا

من غدركم وخيانتكم للوعود

حرب 67 دي غلـطــــــــة

وتاني مش ممكن تعــــــــود

كلمــه وقالها إبن مصـــــــر

محمـــــد أنــور الســـــادات

عايزالصهـــاينة كوم تراب

في أقل من ست ســــــاعات

وبنفسه كان ع الجبهه واقف

بين المـــــدافع والدبابــــات

ولما ساعــــة الصفر حانت

في يوم صيام والحرفظيــع

عبرنا بعزيمتـــــــــنا القناة

نسفنا خط بارليف المنيـــع

وبصرخة الله اكبر بنحصد

في كل خطوه ألفين صريع

بعد مرور6ساعات

صدرلجيشــــــنا اول بيان

حكي السادات للشعب كلــه

عبور أسود مصرالشجعان

اللي خلوا الصهاينة هربوا

ورجعو تاني زي الفيران

ورسمواعلي قفا الامريكان

صورة للجندي المصــري

لو غضبه بعد الصبر بان

في اللي يمس رمل أرضه

ناره اقوي من البركان

دي مش نهــــاية الحكــاية

لسه الحبـــل ع الجـــــرَّار

هدفنا تحرير الأقصـــــــي

والقدس من إيد الفُجَّـــــار

يلا نـــادوا في كل وادي

واجمعوا باقي الأشـــرار

أصـل ده ترتيب إلـــهي

تتحشدوا بأمر القهــــــار

في أرض إنتوااخترتوها

وفي اديكم مــال وعزة

وبشباب تفتخروا بيهـــــم

وتنادواعلي كل الأحبة

يرسموا الشر عليهــــا

واللي عنده علم منكـــم

عارف إن دي البـــداية

الحاخام آمن وسلِّـــــــم

إن دي بداية النهــــــاية

وقتها العالم هيعـــــرف

أنكم أحــــــقر روايــة

قصيدة للشاعر . محمد جوده

٩أنت، Amal Grad، عشق الرحمن و٦ أشخاص آخرين

١٥ تعليقًا

أعجبني

تعليق

مشاركة

١٥