بيت العيلة

بيت العيـــلة ابو دور واحد

عتبته شِرحَة وهواه صِحِّي

تفرد فيه الشمس خيوطها

وتغذيه بالنـــور من بدري

في بيتنا تلقي الفرن البلدي

شبابيكه كتيروالباب بحري

واما نهار الدنيـــا يشقشق

نقعد كلنا حوالين جــــــدي

نفطر والخيـــــر عاالطبلية

قشطه وجبنه والبيض مقلي

وخس وجعديد وبصل أخضر

والبركة في اللَّمـــــــة ياعمي

مرسوم علي واجهة بيت جدي

الكعبــه والحُجَّــــاج حواليها

وانا شايفه بيطوف وبيدعي

بالخير للدنيـــــــــــــا ومافيها

والطيارة كمان مرســـــومه

فيها الحجاج لابسين أبيض

راجعين بقلوب صافيه وطاهرة

وبذكر الله دايمــــــا تنبض

بيت العيله كان لينا عِزوة

قبل ماجدي يروح ويسيبنا

وترجع روحـــه للي خلقها

سابنا وراح ويـــــــاه الخير

لكن ضحكته لسه معـــــانا

نسمعها ونتـــــونس بيها

ونعيش علي ذكراها الحلوة

وكل ذكري معاها جميــــــلة

وأبقي فخــــور ان انا دايـــما

من شجرة أًصيله وبيت عيلة

للشاعر ..محمد جوده

٧محمد البحيرى، جابر سالم و٥ أشخاص آخرين

١٣ تعليقًا

أعجبني

تعليق

مشاركة