ــــــــــــــــــــــــــــــ

مقـدرش ابعـد عنـك تـاني

هزمتني الغُربه ووحشاني

بعـد ما لفيــت كُـل الدُنــيا

عيــونك فضلـت أسـراني

عـيـون فـتـانـه تـلاغـيـني

بقلـوب عشقـانـه تنــاديني

أسرتني ضاع مني سنيني

وارجـع لهـواها من تـاني

لمـا ابعــد عـنـك أتـغـيــر

ومشاعري الحلوه تتبعتـر

اتمني رضاكِ أكتـر واكتر

ويزيـد إحساسي بـولهاني

بهــرب للحـلـم وانــاديكي

فين همس أديكي وعنيكي

سيبـك مـ الهجـر وخليكي

انا راضي لوطيفـك جاني

فراقك مرْرّني علي مُرِي

وطيفك عـ البُعـد صبرني

ما تِحني علي قلبي ومُري

وهاتي أيدك نبـدأ من تاني

يـا زهـرالفُـل في بستـاني

وعبيـرالهيـل في فـنجـاني

مقـدرش عـ البُعــد ثـواني

هزمتني الغُربه ووحشاني

ـــــــــ[مبروك البنا]ــــــــ

عرض الرؤى

معدل وصول المنشور: ٢٨

١نغم الخطيب