مدونة همس الكلمات للشاعر محمد جوده

الأربعاء، 30 ديسمبر 2020

منولوج 2020

غيابك هيحــــــز في نفسي
وداعـــــا عشرين عشرين
ياللي مسبتيش حد ف حاله
الا وشال في ايامك الطين
بقي يطلع من نقـــره لنقره
ويسيب بلــــوه يلاقي اتنين
واخداها تصفيِّــــة حسابات 
ماشفنا شمسك طالعه منين
قتل وموت كمِّ وفيِّــــــــات
ناس جوه بيوتهم مســاجين 
جبتيلنا كرونا وجيتي تجري
مرض وفيروس والله لعين
يتفشي وينشر في العدوي
وبيحصــــد في البني آدمين
الناس نسيت طعــــم الفرحه
في همومها مشغوله سارحه
وشهورك والله طيور جارحه
غدرت بينا في غمضة عين
كانت الناس عايشه ف ايامك
كل لحظه تشوفها كــــابوس
فقـــــــر وذل مرض وبطــــاله
من مارس واحنا في دي الحاله
كفاياكي بقي شغل ندا لـــــــه
مع السلامه يا ضي العيــــــن
فارقينا وخدي كل آثــــــــارك
مش عايزين نفتكرك تــــــاني
رح ننساكي وننسي نهــــارك
وهنقفل بابك في ثـــــــــواني
ونعيش اللي فاضل في حياتنا
لأمل بكره منتظريــــــــــــن
وداعا عشرين عشرين