ماشيه وعلي راسها قٌله

وايدها عــــلي وسطها

بصتلي بطــرف عينها

خطفت قلبـــــي عندها

برمشة عين كحيـــــلة

وقعتني في حبهــــــــا

قولت اسالها عن اسمها

وفهمت من حُمرة خدها

اسم القمرعلي اسمها

هي اللي بتنور الليالي

حد ميعرفشي اسمـــها

قولت قمر ونورها فتني

وفي حسنها لازم اغني

للصبا اللي في خدودها

بيوصف حسنها الفتان

واللي مايرحم قلـــــوب

شبان وقعت في حبــها

ماشيه تتمايل بالطرحه

خطوتها مليانه فرحــــه

ورموشها الطويله الجارحه

صممت اروح لأهلهــــــا

واطلب ايديها في الحلال

دي أدبها ميتقدرشي بمال

ادب وحياء وأصل طيب

وهيه دي اللي اخترتــــها

ماشيه تغني علي الزراعيه

وهيه راجعه في المغربيه

ساحبه البقره والبدريــــه

اغنيه حلوه بحس جميــل

ماحدش سامعه الا هيــه

ناديت عليها يا صبيــــه

هنزوركم الليله الجايـــه

لجل ما نتلم في بيت واحد

بيسموه عش الزوجيــــــه

قوليلي ايه رايك يا صبيه

ضحكت وسكتت بعدها

لكن بإشاره من يدهــــا

قالت بنت الاصول دايما

من أهلها تعرف ردها

روحت ياناس وخطبتها

كام شهر واتجوزتـــها

ربنا رزقني ببنتــــين

كل بنت شبه امـــــها

وبحبها من وقتــــــها

هعيش واموت وبحبها

#الشاعرالمعاصرمحمدجوده

٢٩Yasser Ahmed Awed، المطرب محمود كاظم و٢٧ شخصًا آخر

٣٠ تعليقًا

مشاركة واحدة

أعجبني

تعليق

مشاركة