ليل الغُربة
*******
إهداء لصديقي العزيز محمد العدل
*************************
طويل ياليل الغربه
وفيك الثواني سنين
بعيدعن اهلي وناسي
دايما واخدني الحنين
مهما كترت صحبتي
في الغربه دول اغراب
لوحدي ماشي في
سكتي
وحيد مليش احباب
بالصبر باكل لقمتي
صابر وراضي بقسمتي
وباخد بالأسباب
وحشوني أهلي وناسي
ولمة الأحباب
ليلك ياغربه عذاب
وبعد عن اعز اصحاب
حيره وقلق ودموع
وهم بين الضلوع
وصوت انين مسموع
بنتغرب ومش عارفين
هنرجع ولا مش راجعين
دنيا في سكتها وخدانا
واحنا معاها مضطرين
مكتوب علينا نتغرب
ونبعد عن أهالينا
ويجي الموت
سعات يخطف
روح أعز مالينا
يفارقو الدنيا واحنا بعيد
مانشوفهم حتي بعنينا
وفي الاخر بقول دا نصيب
واقدار واحنا بنعيشها
في اوقات تكون حلوه
واوقات تانيه ما نطيقها
الغربه نار ولو كانت
جنة ومهما حبيتها
هرجع وابوس تراب بلدي
واعيش سلطان في جنتها
ليست هناك تعليقات:
إرسال تعليق