ـــــــــــــــــــــــــ

×× لابسين وشوش ××

ــــــــــــــــــــــــــــــــــــ

× أه ....يا دنيا العجايب الناس

.............فيكى بقوا وحوش

× قلوب الناس بقت حجارة

..........وعلى بعض ما بيرحموش

× والوشوش الطيبة أتغيرت

............وبقوا دلوقتى لابسين وشوش

× كلواحد له ألف وش

........يكلمك تصدقه ولا تخونوش

× حتى صاحبى الى عاشرته

.........طول سنينى طلع فلسو وفاشوش

× طلع ندل طلع خسيس

........لما احتاجته جنبى يوم مالاتوش

× وأنا الى ياما وقفت معاه في شدته

.............ولا شبتهوش

× والى معايا قسمته بنا

............علشان يعيش

× عملته صاحب وخته أخ

..........لكنه باع وبالرخيص ولا يختشيش

× أه ....يا دنيا العجايب

........... ورتينى الى عمرى ما شفتهوش

× لكن يا صاحبى يالى كنت عملك

.......صاحبى أنت كأنك شخص تانى

...................... ما عرفتهوش

× خيانتك ليا خلتنى أصدق

...........أن الناس بقوا لابسين وشوش

..لابسين وشوش / لابسين وشوش ........

ـــــــــــــــــــــــــــــــــــــــــــــــــــــــــــــــــــــــــ

الشاعر عبد الحليم الشرقاوى

عرض الرؤى

معدل وصول المنشور: ٢٠

١الشاعر المعاصر محمد جوده

تعليقان

أعجبني

تعليق