أيه اللي هتقوله ياقلبي

ماخلص الكلام

ماعدتش أحس وياك

بمعني الأمان

جيت كتير علي نفسك

ونسيت أمانيك

وماحد حاسس بجرحك

ولايسأل فيك

ايه يوجعك ايه يألمك

ولافين اراضيك

حتي الحبايب ماعادوا

يسكنوا لياليك

عايش بدمعك لوحدك

وقسيو عليك

فاتوك في ليلك وخدوا

من نور عنيك

وماحدش حاسس بجرحك

طول الزمان

ومش لاقي حد يفسرلك

كل الأحلام

ايه اللي هتقوله ياقلبي

ماخلص الكلام

طول عمرك زارع في قلوبهم

كل الأفراح

ساعة الطرح بدل الفرح

جنيت جراح

سهرت الليل وشفت الويل

بكا ونواح

ضحيت علشان تجيبلهم

نور الصباح

خبيت دموعك عن عيونهم

وبقيت سواح

وماحدش حاسس بجرحك

طول الزمان

ومش لاقي حد يفسرلك

كل الأحلام

ابه اللي هتقوله ياقلبي

ماخلص الكلام

ياقلوب عطشانة والمية

في ايد الغريب

ياعيون باكية ونار صاحية

في ليل قريب

ما بقاش في الذكري غير

دمعة شوق وانين

راح اللي راح من زمان

وغاب الحنين

وماحدش حاسس بجرحك

طول الزمان

ومش لاقي حد يفسرلك

كل الأحلام

ايه اللي هتقوله باقلبي

ماخلص الكلام

بقلمي/وفاء منصور

عرض الرؤى

معدل وصول المنشور: ٤٩

٧ألفنان عبد الحميد صبري، محمدعيدسليمان الشاعر و٥ أشخاص آخرين

٥ تعليقات

أعجبني

تعليق