*****صرخه ******

يانـــــاس شوفولي حتــــه

أعيــــش واتــــــاوي فيها

قِسيت علي قلبي دنيــــتي

والصبــــر مش مكفيــــها

الأرض والله بقت شـراقي

مش لاقي الميــــه أرويهـا

دلوقتي عايش في بلدي

غريب فقير في اراضيها

حتي لقمة العيش الحـــاف

بصولنا يانــــــاس فيهــــا

وقَل وزن رغيــف العيش

و معدتنا دي ايه يغذيـــها

زهقت مراتي من فقري

ولا عارف ازاي أراضيها

وابواب الشغل مقفوله بشمع

والعيشه مفيــــش بركه فيها

أيام زمان كانت فلوسها

قليله لكن بركة ربنا فيــها

دلوقتي نسمع عن مليارات

واسم الجنيه مش فيــــــــها

دولارات ياعم ويوروهات

محرم علينا النظر ليــــــــها

دلوقتي أحلامك هتدفع عليها

فلوس لو صحيت فكرت فيها

اللي متجوز وعنده اسره

منين هيصرف عليهـــــــا

ربنا موجود وبقدرته قادر

عن الكل بالحلال يغنيهـــا

فوضت أمري لله في كل

اللي يظلم بلد ويذل أهاليها

الشاعر المعاصر محمد جوده

٢٣أنت، مايا خالد، حنان إبراهيم الكاشف و٢٠ شخصًا آخر

٣٠ تعليقًا

أعجبني

تعليق

مشاركة