*** قصدك إيه معايه

ــــــــــــــــــــــــــــــ

تقـرَّب لي بحكايه وتهجـرني بحكايه

الحب مش أغـاني وحُضنـك كـفـايـه

يـا مغـرقـني كـلام وعـيـونـك دوايـه

انا عايش أحـلام لا بـدايه ولا نهــايه

كل حكـايه تقـولها ليه تختمها ظنـون

أيوه بقلبي بحبك ومعاك مهما يكـون

جوه الحُضن بحَس إني ملكت الكون

أيـوه بقلبي بحبك حُب مالُهـش نهـايه

ليه خلّتها حكايه وقلبي كتاب مفتـوح

كل حروفُه بحبك مكتـوبه بـوضـوح

همس عيـونك ليَّـه شهـد يـرُد الروح

في ليلِي قمـراية وفـ شمسي ضِـلايـه

الحب مش حكـايه ولا قُـلـنا ولا قـال

ما هوش دمع وغيره وحكايه وموال

الحب دُنـيا جميـله وعـالم في الخيـال

بحر وشطين وميَّـه مع أجمل وردايه

عاهـدتني عــ الحـب وليـه خـدعـتني

ريَّـحتِني بحكـايه وبـكلمـه كسـرتني

ظلمتني في روايه وهجـرت وسِبتني

أيه هيّه الحكايه يا روح قلبي وهوايا

يا ســامع نِــدايـه ليــه تِعّـنِــد معــايه

تغيب عني وتِـرّجـع تحكيـلي حكـايه

لا تحكيـلي تـاني ولا تِجـري ورايــه

يا نايم علي رمشي قصدك إيه معايه

ــــــــــــــــ[مبروك البنا]ــــــــــــــــ

٣Hossam Abu Sitta، الشاعر أحمد خلف الحامدى وشخص آخر

٣ تعليقات

تمت المشاهدة بواسطة ١٨

أعجبني

تعليق