ليلة ميلاد المصــطفي

هلِّت بشــــــاير النٌّــور

والكٌفـــر نوره انطفي

وف الأساس ماله نور

ياطه فيك ريح الهُدي

جعل حياتنا عطـــــــور

عــالي المقام وكـــريم

رؤوف بأمتك و رحيم

ياصاحب الخلق العظيم

ياخير خلق اللـــــــــه

ياإبن عبد اللـــــــــه

صلَّ الإله في علاه

عليك ليوم الدين

ياسيِّد المرسلين

يارحمة للعالمين

ياللي لأمة الإسلام

شفيع في يوم الدين

طاهر كريم الذات

وصاحب المعجزات

وفي رحلة الإسراء

ورحلة المعراج

خطيت حجاب النور

لوجه رب غفور

لمكان ماقبلك خطاه

ولا حد بعدك خطاه

رجعت يارسول الله

وبين اديك رحمات

فيهم خمس صلوات

ودول عماد الدين

صلوا معايا عليه

خاتم المرسلين

هو النبي المختار

مليون صلاة وسلام

علي حبيب الأنام

محمد بن عبد الله

حبيبي نور عرش الله

عليه افضل الصلاة والسلام

#الشاعرمحمدجوده

١٧عصام قابيل، ابراهيم صبيح و١٥ شخصًا آخر

٢٤ تعليقًا

مشاركتان

أعجبني

تعليق

مشاركة

 ضحايا الشيطان

شوفوا ياخلق وصلنا لفين

بلطجة دبح وقطع رقـاب

جرايم بشعة ف عز الضهر

بيصورها حريم وشبــاب

وانتشــرت أفلام الرعــب

علي أرض الواقع بخراب

راحت فين قوانين دولتنا

لما في عز الضهر نلاقي

واحد يقطـــع رقبة واحد

قدام ناس واقفة بتتفرج

وشباب بيصور ويهــــرج

شايفه عنيهم روح بتموت

كأنها روح مخلوق هلفوت

ولا واحدة رقعت بالصوت

ولا كان فيه راجل مظبوط

عنده بواقي رجولة ونخوة

لسه في قلبه شوية رحمة

عنده رجولة تهد جبـــــال

يمنع بإدية جرايم بشــعة

ويامصــر والله هنيـــــالك

بشهــــامة شعبك ورجالك

لما بيـوتك كات عمــــرانة

انتاج السبــكي خربهــالك

ياما لسه هنشوف ونعاني

أفلام بتدمر في شبــــابنا

رمضان تورببـني وألماني

والديزل وبرنس فســـادنا

عايزين وقفة تكون بإرادة

ونطالب بحقوقنا الضايعة

مين رح يحمي ولادنا ياسادة

من غدرفئات فاشلة وصايعة

والموضوع هيموت كاالعادة

وهتفضل برضو النار والعــة

لحد مانلقي في يوم روحنا

ضحايا في مدبحة القلعــــة

كلمات محمد جوده

٦الشاعر فهمي عبدالله، Yusuf Hammed و٤ أشخاص آخرين

٨ تعليقات

أعجبني

تعليق

مشاركة