ـ

( لسه برضو )

لسه برضـــو شايفة نفسك

وعايشة دور بنت الأصول؟

لسه بتبصــــــي فـ مرايتك

اللي عاكســــة لك حكايتك

وانتي باعــــدة عنها وشك

هربانه ومش عايــزة حتي

تشوفي منها فصـــل واحد

حتي من باب الفضـــول؟

لسه ماشيــــــــــة توزَّعي

عاالخلق كــــدب وتخدعي

أقرب ماليكي بدون ضمير

واللي عاشـــــروكي بوفاء

وانتي الغــــــدر فيكي داء

والمكر في عيــــونك دهاء

فيه الخيانة طـــريق طويل

لسه برضــــو زي ماانتي

لابسة توب الكبــــــــرياء

وانتي من جــواكي عارفة

كل حقيــــــقتك بس خايفة

انك تواجـــهي حتي نفسك

لحظة فيها تشــوفي أصلك

وتعرفي انك في شمـــــعة

ماتساويش سعر الفتـــــيل

لسه برضـــو شايفة نفسك

أذكي من كل البشـــــــــــر

وعاالغلابة شــــــادَّة وَتَرِك

وبتعزفي ميت لحـــــن شر

لسه سايقة في العنـــــــــاد

ومكمِّلة في غش العبــــــاد

وبتقطعي حِـــــــبال الوداد

وبتمحي كل شـــيء جميل

لسه برضو مصـــــــــدقة

ان الحياة ممـــــــكن تدوم

لقلب مات فيه الشعــــــور

وعقل مات فيه الضميــــر

وجسم خاوي كأنه كهـــف

العتمة فيه تمحي الوجــود

والرعب فيه مالوش حدود

والخوف دا طارح عالحيطان

محفور علي جذوع النخيــل

لسه برضـــو شايفة نفسك

ملكة علي عرش القـــلوب

واللي يسمـع كلمـــة منــك

يعيش ملاك خالي العيـوب

انتي اللي زيك في الحيــاة

مهما طال بيــها الزمـــــن

بين النِّســـا ملهــــاش تمن

واللي يرضي بقربه منـــك

يعيش حياته تعيــــس ذليل

من ديوان القلب الثائر

الشاعر / محمد جودة

عرض الرؤى

معدل وصول المنشور: ١٥

كل التفاعلات:

٥Susan Adel و٤ أشخاص آخرين